काठमाडौं । सार्वजनिक सवारीमा यात्रु कोचेर हालेको भन्दै ट्राफिकले गाडीलाई नियन्त्रणमा लिएपछि सवारी चालकहरुले बिरोध गरेका छन् ।
भक्तपुरबाट काठमाडौंको नयाँ बानेश्वरमा आउँदै गरेको सार्वजनिक सवारीमा यात्रुलाई उभ्याएर ल्याएको बिषयमा सामान्य विवाद भएपछि ट्राफिकले सवारीको चाबी खोसेका थिए ।
चाबी नियन्त्रणमा लिएको बिषयबाट विवाद शुरु भएको थियो । चालकले ट्राफिकसँग चाबी दिन पटक पटक आग्रह गरेपनि ट्राफिकले नमानेपछि विवादले उग्र रुप लियो। विवाद बढ्दै गएपछि अन्य सवारीका चालकपनि सवारी साधन रोकेर विरोधमा उत्रिएका थिए । चालक सवारी रोकेर सडकमा उत्रिएपछि नयाँ बानेश्वरको ट्राफिक व्यवस्था अस्तव्यस्त बनेको थियो ।
