काठमाडौं । श्रम संस्कृति पार्टीका अध्यक्ष तथा सांसद हर्क साम्पाङ मोटरसाइकल दुर्घटनामा परेर घाइते भएका छन् । बिहीबार भएको दुर्घटनामा उनी सामान्य घाइते भएको पार्टीका नेता सुदन किरातीले जानकारी दिएका हुन् ।
सामाजिक सञ्जालमार्फत जानकारी दिँदै किरातीले दुर्घटनाको घटनाले आफूलाई चिन्तित बनाएको उल्लेख गरेका छन् । उनले साम्पाङलाई सामान्य चोटपटक मात्र लागेको र उनको स्वास्थ्य अवस्था सुधारोन्मुख रहेको उल्लेख गरेका छन् ।
उनले पार्टीका कार्यकर्ता, समर्थक तथा शुभेच्छुकहरूलाई धेरै चिन्ता नगर्न आग्रह गर्दै अध्यक्ष साम्पाङको शीघ्र स्वास्थ्य लाभको कामना गरेका छन् । साम्पाङ एक हातले मोटरसाइकल चलाउँदै अर्को हातले भिडियो खिच्ने क्रममा दुर्घटनामा परेका थिए ।
