२ मंसिर २०८३, बुधबार Thursday, 19 November 2026
हामीलाई पछ्याउनुहोस्
२ मंसिर २०८३, बुधबार 12:01 am
राजनीति

संविधान निर्माणपछि सरकार बनाउने र गिराउने खेल धेरै भयो : पूर्वप्रधानमन्त्री भट्टराई

सूचना प्रेस २०८३ आश्विन १८ आइतबार ००:००, १७:१८ बजे १ मिनेट पढाइ

काठमाडौं । पूर्वप्रधानमन्त्री डा. बाबुराम भट्टराईले नेपालमा राजनीतिक दलहरू पुरानै ढाँचामा सीमित भएर बस्न नसक्ने बताएका छन्।

आइतबार नेपाली कांग्रेसको १५औँ महाधिवेशनको उद्घाटन समारोहलाई सम्बोधन गर्दै भट्टराईले २१औँ शताब्दीमा विश्वमा तीव्र विकास भइरहेको भन्दै त्यसअनुसार नेपालको राजनीतिक परिवेशलाई बुझ्न आवश्यक रहेको बताए।

उनले भने, ‘अहिले २१औँ शताब्दीमा आइपुग्दा विश्वमा जुनखालको चमत्कारी विकास भएको छ, राजनीतिक दलहरूलाई पहिलेकै ढाँचामा रहने छुट दिँदैन। त्यसैले नेपालमा जुनखालको राजनीतिक उथलपुथल भइरहेको छ, त्यसको अन्तर्राष्ट्रिय र राष्ट्रिय परिवेश बुझ्न जरुरी छ ।’

संविधान जारी भएको १२ वर्ष भइसक्दा पनि सरकार बनाउने र गिराउने खेलमै केन्द्रित भएको भन्दै उनले आर्थिक समृद्धिको दिशामा अघि बढ्न नसक्दा जनतामा असन्तुष्टि बढेको बताए ।

‘संविधान जारी भएको १२ वर्ष भइसक्यो। त्यसपछि सरकार बनाउने र गिराउने खेलमा मात्रै लाग्यौँ। आर्थिक समृद्धिको दिशामा जान सकेनौँ। जनतामा असन्तुष्टि आयो। गत वर्ष जुन विद्रोह आयो, कतिप?’ उनले भने।

भट्टराईले ठूलो बलिदानबाट निर्माण भएको संविधानमा विभिन्न बहानामा छेडखानी गर्न नहुने बताए। आवश्यक विषय भए संविधानमा थप गर्न सकिने उनको भनाइ थियो।