संस्कृति, पर्यटन तथा नागरिक उड्डयनमन्त्री प्रेम आलेविरुद्ध सर्वोच्च अदालतमा रिट दायर भएको छ । मन्त्री जस्तो पदमा बसेको व्यक्तिले अश्लील गाली गरेको भन्दै उनलाई मन्त्रीको हैसियतमा काम गर्नबाट रोक लगाउन माग गर्दै अधिवक्ता किशोर पौडेल र अनुपम भट्टराईले रिट दायर गरेका हुन् । शुक्रबारका लागि पहिलो पेसी तोकिएको छ ।
रिटमा वायुसेवा निगमका तत्कालीन अध्यक्ष युवराज अधिकारीलाई मन्त्री आलेले अश्लील गाली गरेको भन्दै अधिकारीलाई क्षतिपूर्ति दिलाउन माग गरिएको छ । यस्तै अधिकारीभन्दा पहिला मन्त्री आलेले भारमा बस्ने एक नेपाली युवकलाई फोनमा गरेको गालीको विषयमा पनि क्षतिपूर्ति दिलाउन माग गरिएको छ ।
यस्तै यस्ता निर्लज्ज व्यक्ति भविष्यमा राजनीतिमा आउन नहुने भन्दै आलेलाई चुनावमा उम्मेदवार बन्न प्रतिबन्ध लगाउनसमेत माग गरिएको छ ।
अधिवक्ता द्वयले यसअघि सर्वोच्चमा रिट लिएर पुग्दा दरपिठ गरिएको थियो । तर, सो परपिठ खारेज भएपछि रिट बिहीबार दर्ता भएको हो ।
