काठमाडौं । नेपाल समाजवादी पार्टीका नेताहरु माओवादी केन्द्रको चुनाव चिह्न लिएर प्रदेश र प्रतिनिधिसभा निर्वाचन लड्न तयार देखिएका छन् ।
आइतबार बिहान माओवादी अध्यक्ष प्रचण्ड र समाजवादी पार्टीका अध्यक्षद्वय डा. बाबुराम भट्टराई र महेन्द्र राय यादवबीच भएको भेटवार्ता मा यस्तो सहमती भएको हो ।
बैठकपछि बोल्दै नेसपाका अध्यक्ष यादवले माओवादी केनद्रको चुनाव चिन्ह पुरानो भएकाले यस्तो सहमती गर्न लागिएको बताउनुभयो । यादवले यस्का लागि समाजवादी गठबन्धन बनाउने र एउटै चुनाव चिह्न लिएर संयुक्त रुपमा जाने लगभग सहमती भएको बताउनुभयो । यसको औपचारिक घोषणा भने हुन बाँकी छ ।
