३ मंसिर २०८३, बिहिबार Thursday, 19 November 2026
हामीलाई पछ्याउनुहोस्
३ मंसिर २०८३, बिहिबार 7:28 am
समाचार

म नभएर ‘हामी’ भन्ने मान्यता अगाडि बढाऊ : डा.राजन भट्टराई

सूचना प्रेस २०७९ भदौ १५ बुधबार ००:००, २१:०४ बजे १ मिनेट पढाइ

काठमाडौं । नेकपा एमालेका स्थायी कमिटी सदस्य एवम् परराष्ट्रविद् डा. राजन भट्टराईले समाज रुपान्तरणको अभ्यासमा ‘म’ नभएर ‘हामी’ भन्ने मान्यताका साथ अघि बढ्नुपर्ने बताउनुभएको छ । बूढानीलकण्ठ नगरपालिकासँगको सहकार्यमा ‘वी लभ यु फाउन्डेशन’द्वारा शुरु गरिएको ‘बृहत सरसफाई अभियान’ मा डा. भटटराईले उक्त कुरा बताउनुभएको हो ।

बढ्दो शहरीकरण र औद्योगिकरणले पृथ्वीको दीगोपनालाई कमजोर बनाउनुका साथै वातावरणीय प्रभाव समेत बढ्दै गएकोले कम्तीमा ६ महिना धोवीखोला सरसफाई अभियान संचालन गरेर बूढानीलकण्ठमा नमूना कार्य गर्न सकिने बताउनुभयो । उक्त कार्यका लागि फाउन्डेशनसँग सहकार्य गर्न समेत आफू तयार रहेको उहाँको भनाइ थियो । कार्यक्रममा बूढानीलकण्ठ नगरपालिकाका नगरप्रमुख मिठाराम अधिकारी, उपप्रमुख अनिता लामा, बिभिन्न वडाका वडाध्यक्षहरु, राष्ट्रिय दलित आयोगका सदस्य सुन्दर पुर्कुटी, पूर्व कार्यपालिका सदस्य एबम नेकपा एमाले बागमती प्रदेस कमिटी सदस्य संगम गहतराज, नेकपा एमाले जिल्ला कमिटी सदस्य तथा क्षेत्र नं. ४ का संयोजक विदुर विक्रम खड्का, नेकपा एमाले बूढानीलकण्ठ नगर अध्यक्ष प्रदिप डंगोल, सचिव श्रीकृष्ण श्रेष्ठ लगायत समाजसेवी, पत्रकार, स्थानीय र हजारांै युवायुवतीहरुको उपस्थिति रहेको थियो ।