भक्तपुर – काठमाडौं महानगरपालिकाका मेयर बालेन शाह शनिबार भक्तपुर आउनु भएको छ । मेयर बालेनलाई भक्तपुर नगरपालिकाका प्रमुख सुनिल प्रजापतिले स्वागत गर्नुभयो । उहाँको स्वागतमा नगरपालिकाको कक्षमा कार्यक्रम आयोजना गरिएको थियो ।
मेयर बालेनसहितको टोलीले भक्तपुरको दरवार स्क्वायरको अवलोकन भ्रमण गरेको थियो । बालेनका साथमा उपमेयर सुनिता डंगोल पनि हुनुहुन्थ्यो ।
बालेन भक्तपुर नगरपालिकाको काम कारबाहीबाट प्रभावित हुनुहुन्छ । उहाँ निर्वाचन परिणाम आउँदै गर्दा पनि भक्तपुर नगरपालिकाको कार्यालय पुग्नु भएको थियो ।
