काठमाडौं । नेपाल प्रहरीका पूर्व आइजिपी सर्वेन्द्र खनालले नेकपा एमालेका अध्यक्ष केपी शर्मा ओलीको विचारबाट प्रभावित भएर एमाले प्रवेश गरेको बताउनुभएको छ ।
आज पार्टी केन्द्रीय कार्यलयमा आयोजित कार्यक्रममा एमाले प्रवेश गरेपछि बोल्दै खनालले धेरै जना प्रधनमन्त्रीहरुसँग काम गरे पनि केपी ओलीजस्तो दुरदर्शी नेता आफूले नपाएको बताउनुभयो । ‘मैले करिब ७ वटा प्रधानमन्त्री फेरेँ । किशुनजीदेखिलगायत । मैले उहाँका धेरै कुरा देख्न पाइनँ तर ‘मेरो जागिरको दौरानमा अध्यक्ष कमरेड जत्तिको राजनेता अर्को कोही भेट्टाइनँ । म उहाँका कुराबाट लालायित हुन्थेँ ।’
