दाङ । दाङमा मोटरसाइकल दुर्घटनामा परेर दुई जनाको मृत्यु भएको छ । लमहीबाट भालुबाङ्ग जाँदै गरेको लु ४० प ४९२२ नम्बरको मोटरसाइकल गएराति राप्ती गाउँपालिका वडा नम्बर ३ मसुरियामा दुर्घटना हुँदा मोटरसाइकलमा सवार दुई जनाको मृत्यु भएको जिल्ला प्रहरी कार्यालय दाङका प्रवक्ता राजन गौतमले जानकारी दिनुभयो ।
राप्ती गाउँपालिका(६ लठ्ठहवा निवासी ३६ वर्षीय सुलेस चौधरी र ३६ वर्षकै लाहनु चौधरीको उपचारको क्रममा मृत्यु भएको हो । सुलेसको नेपालगन्जमा र लहानुको लमहीमा उपचारको क्रममा मृत्यु भएको प्रहरीले जनाएको छ ।
मृत्यु हुने दुवै जना सशस्त्र प्रहरी जवान रहेको खुलेको छ । बाढी पीडितको उद्धारमा खटिएका उनीहरू कार्यालय फर्किने क्रममा दुर्घटनामा परेको सशस्त्र प्रहरी बल २९ नम्बर गण भालुबाङ्गका एसपी विनोद केसीले जानकारी दिनुभयो ।
