दोलखा । दोलखाबाट प्रतिनिधिसभा सदस्यमा माओवादी केन्द्रका गङ्गा कार्की विजयी हुनुभएको छ ।
कार्कीले एमालेका उम्मेदवार बालकृष्ण शिवाकोटीलाई ३ सय १७ को मतान्तरमा हराउँदै विजयी हुनुभएको हो। कार्कीले ३६ हजार ७९९ मत ल्याउँदा एमालेका शिवाकोटीले ३६ हजार ४८२ मत ल्याउनुभयो ।
मङ्सिर ४ गते सम्पन्न प्रतिनिधिसभा र प्रदेशसभाको अन्तिम मत परिणाम सार्वजनिक भएको छ । १६४ निर्वाचन क्षेत्रको मत परिणाम आइसक्दा दोलखाको मात्रै आउन बाँकी थियो ।
त्यस्तै, दोलखा प्रदेशसभा–१ मा सत्ता गठबन्धनका उम्मेदवार नेपाली काँग्रेसका कुन्दनराज काफ्ले विजय हुनुभएको छ ।
उहाँले २३ हजार तीन सय ३१ मत प्राप्त गर्नुभएको छ भने एमालेका नरबहादुर श्रेष्ठले १५ हजार तीन सय ५६ मत प्राप्त गर्नुभएको थियो । प्रदेशसभा २ मा एमालेका भरतबहादुर केसी निर्वाचित हुनुभएको छ ।
