काठमाडौं । नेकपा एमालेले प्रदेश १ मा आज संसदीय दलको नेता छान्ने भएको छ । संसदीय दलको नेता छान्नका लागि एमालेले आइतवार बैठक बोलाएको छ । आइतवार दिउँसो १ बजेका लागि बैठक बोलाइएको एमाले सांसद बुद्धिकुमार राजभण्डारीले बताए ।
प्रदेश १ संसदको सबैभन्दा ठूलो दल एमालेका ४० सांसद छन् । प्रदेश १ मा एमालेले प्रत्यक्षतर्फ २५ जना र समानुपातिकतर्फ १५ जना सांसद जितेको थियो । पूर्वआन्तरिक मामिला तथा कानुनमन्त्री समेत भएका एमालेका स्थायी कमिटी सदस्य हिक्मतबहादुर कार्की संसदीय दलको नेता बन्ने बलियो सम्भावना रहेको एमालेका नेताहरू बताउँछन् ।
नेपाली कांग्रेसले भने पुस १५ गते भित्रमा संसदीय दलको छान्ने भएको छ ।
