काठमाडौं । नेपालमा थप १ सय ५ जनामा कोरोना भाइरसको संक्रमण पुष्टि भएको छ ।
४ हजार ९ सय २४ जनामा गरिएको परीक्षणमा १ सय ५ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा ३ सय २० जना संक्रमणमुक्त हुँदा ३ जनाको कोरोनाकै कारण ज्यान गएको छ ।
देशभर कोरोनाका ७ हजार ५ सय १७ सक्रिय संक्रमित हुँदा १ लाख २४ हजार ७ सय ८८ जनालाई कोरोनाविरुद्धको खोप लगाइएको छ ।
कोरोनाबाट अहिलेसम्म ११ हजार ९ सय ४४ जनाको मृत्यु भइसकेको छ भने ९ लाख ५७ हजार ८ सय ८ जना संक्रमणमुक्त भइसकेका छन् ।
