काठमाडौँ : युएईमा जारी आईसीसी यु–१९ पुरुष विश्वकपको एसिया छनोटमा नेपालले आज युएईसँग खेल्दैछ।
खेल नेपाली समय अनुसार पौने११ बजेदेखि शुरु हुने छ । नेपाल र युएईले यस प्रतियोगितामा पछिल्ला चारै खेल जितेका छन्। आज नेपाल र युएईबीचको विजेता नै यू-१९ विश्वकपमा छनौट हुने छ।
प्रतियोगितामा नेपालले देव खनालको कप्तानीमा खेलिरहेको छ। प्रतियोगितामा नेपालसहित सिंगापुर, कुवेत, हङकङ, मलेसिया र आयोजक युएईको सहभागिता रहेको छ ।
