काठमाडौँ । माओवादी धारका नेताहरूले आज नागरिक अगुवा र बुद्धिजीवीहरूसँग गर्ने भनिएको छलफल स्थगित भएको छ ।
विस्तृत शान्ति सम्झौताका बारेमा माओवादी धारका पार्टीहरुले आज बुद्धिजीवी र नागरिक अगुवाहरुसँग छलफल गर्न लागेको कार्यक्रम केही दिनपछि गर्ने प्रधानमन्त्रीका प्रेस संयोजक मनहरि तिम्सिनाले बताउनुभयो।
गत शुक्रबार बसेको माओवादी धारका पार्टीहरुको बैठकले विस्तृत शान्ति सम्झौताबारे नागरिक अगुवा तथा बुद्धिजीवीहरूसँग छलफल र अन्तरक्रिया गर्ने निर्णय गरेको थियो।
सोही अनुसार आज नागरिक अगुवाहरुसँग अन्तरक्रिया गर्न लागेका थिए ।
