काठमाडौं । त्रिभुवन विश्वविद्यालय अन्तर्गत पाटन संयुक्त क्याम्पसमा स्ववियु निर्वाचन अन्तर्गत आज मतदान भइरहेको छ।
शनिबार बिहान ८ बजेबाट मतदान सुरू भएको छ ।
पाटनमा यसअघि चैत ५ गतेका लागि तय गरिएको स्ववियु निर्वाचन विद्यार्थी संगठनको आन्तरिक विवादका कारण रोकिएको थियो।
पाटन क्याम्पसमा १४ वर्षपछि स्ववियु निर्वाचन हुन लागेको हो। पाटनमा पछिल्लोपटक २०६५ मा स्ववियु निर्वाचन भएको थियो।
७ हजार भन्दा बढी विद्यार्थी रहेको पाटनमा यसपालि विभिन्न विद्यार्थी संगठन र स्वतन्त्री गरी ६ जना स्ववियु सभापतिका उम्मेदवार छन्।
