बारा – नेकपा एमालेका अध्यक्ष केपी शर्मा ओलीले दीगाे राजनीति गर्ने पार्टी एमाले मात्रै रहेकाे बताउनुभएकाे छ।
बारा निर्वाचन क्षेत्र नम्बर-२ मा आज आयाेजित चुनावी सभालाई सम्बाेधन गर्दै अध्यक्ष ओलीले कांग्रेसकाे सकिएकाे र अरु पार्टीकै खासै अस्तित्व नै नरहेकाे बताउनुभयाे ।
उहाँले भन्नुभयाे, ‘काेही घण्टी बजाउने, काेही हर्न बजाउने, काेही छाता ओडेर आउँछन्, छाता ओडेर जान्छन्, दीगाे राजनीति गर्ने नेकपा एमाले हाे । कांग्रेसकाे बारेमा त म केही पनि भन्दिनँ, विचरा उम्मेदवार नै उठाउन सक्ने हैसियत छैन । कांग्रेसका नेताहरुले कांग्रेस त खाइसके, शेरबहादुरजी गठबन्धनका नेतालाई भाेट माग्न…, कांग्रेसकाे के आलाेचना गर्नु विचरा आफैं सिद्धिसक्याे, उम्मेदवार नै छैनन् ।’
एमालेले युवाहरुकाे भविष्यका लागि देश सुन्दर बनाउन चाहेकाे भन्दै अध्यक्ष ओलीले कुनै पनि भ्रममा नपरेर एमालेलाई विजयी बनाउन आग्रह गर्नुभयाे । उहाँले भन्नुभयाे, ‘कुनै पनि भ्रममा नपरेर एमालेलाई विजयी गराउनुस्, एमालेले तपाईहरुका समस्या समाधान गर्न ध्यान दिनेछ, यस देशकाे विकास उनन्ती प्रगति बाहेक एमालेकाे कुनै स्वार्थ छैन, त्यसकारण हामीले समृद्ध नेपाल सुखी नेपाली भनेका छाैं, त्यसका लागि बलियाे राष्ट्रिय शक्ति आवश्यक छ ।’
अध्यक्ष ओलीले एमाले बाहेक अरुले प्रजातन्त्रकाे रक्षा गर्न नसक्ने बताउनुभयाे । उहाँले भन्नुभयाे, ‘डेमाेक्रेसीकाे रक्षा गर्छ, डेमाेक्रेसी एमालेले अघि बढाउँछ, डेमाेक्रेसीका लागि एमालेले बलिदान गरेर आएकाे छ, डेमाेक्रेसीका लागि म १४ वर्ष जेल बसेकाे छु, ६ वर्ष म भूमिगत बसेकाे छु, ईश्वर पाेखरेल यहाँ हुनुहुन्छ १४ वर्ष भूमिगत बस्नुभएकाे छ, याे कठाेर कुरा हाे, अरु धेरै साथीहरु डेमाेक्रेसीका लागि काम गर्नुभएकाे छ ।’
डेमाेक्रेसी बाहेक एमालेकाे अरु कुनै उद्देश्य नभएकाे भन्दै अध्यक्ष ओलीले जनता, विकास र सुशासनका लागि एमालेले डेमाेक्रेसीकाे रक्षा गर्दै अघि बढ्ने बताउनुभयाे ।
एमाले प्रजातन्त्रका लागि लडेकाे भन्दै उहाँले कांग्रेसका नेता-कार्यकर्तालाई एमालेकाे सूर्य चिन्हमा मतदान गर्न आग्रह गर्नुभयाे । अध्यक्ष ओलीले भन्नुभयाे, ‘एमाले बाहेक अरु उम्मेदवारका अनुहार यसाे घरमा गएर फाेटाेमा हेर्नुहाेला, डेमाेक्रेसी र तिनीहरुकाे कहिले भेट हुन्छ ? त्यसकारण नेपाली कांग्रेसका नेता-कार्यकर्तालाई भन्न चाहान्छु- आउँनुस् डेमाेक्रेसीका लागि सूर्य चिन्हमा मतदान गराैं, यस देशकाे विकासका लागि, सन्तानकाे सुखका लागि सूर्य चिन्हमा मतदान गराैं, सूर्य एमालेकाे मात्रै पेवा हाेइन, जसले पनि भाेट हाल्न पाइन्छ ।’
सूर्य सबैकाे भलाे गर्ने चिन्ह भएकाे भन्दै उहाँले देश र जनताका लागि सूर्य चिन्ह लिएकाे बताउनुभयाे । अरु पार्टीका नेता-कार्यकर्तालाई पनि सूर्यमा भाेट दिन आग्रह गर्दै अध्यक्ष ओलीले भन्नुभयाे, ‘अरु पार्टीका साथीलाई पनि म आग्रह गर्न चाहान्छु, देशकाे भलाइका लागि सूर्य चिन्हमा मतदान गराैं, देशकाे भलाइका लागि एमालेलाई जिताऔं, देशकाे भलाइका लागि पुरुषाेत्तम पाैडेललाई जिताऔं ।’
कर्तव्यनिष्ट व्यक्तिलाई मतदान नगरेर अन्त मत हालेमा पछुताउनुपर्ने भन्दै उहाँले पाैडेललाई भाेट दिन र विजयी बनाएर पठाउन आव्हान सबैमा आव्हान गर्नुभयाे । एमालेले जनताका लागि काम गरिरहेकाे भन्दै अध्यक्ष ओलीले सदैव देश र जनताका लागि काम गर्ने बताउनुभयाे ।
