काठमाडौं। शनिवार धनगढी उपमहानगरपालिका–६ मट्यारीका ४५ वर्षीय महेशकुमार चौधरीले प्रहार गरेको इटा लागेर आफ्नै छोरा २१ अर्जुन चौधरीको मृत्यु भएको छ । लागू पदार्थ दुर्व्यसनीमा नराम्ररी फसेका अर्जुनलाई आफ्नै बाबुले प्रहार गरेको इटाले लाग्दा मृत्यु भएको हो ।
जिल्ला प्रहरी कार्यालय कैलाली पुगेर महेशकुमार चौधरी आफैले आफ्नो छोराको हत्या गरेको जनाकारी दिएपछि घटना भएको पत्ता लगोको हो । अर्जुनको मृत्यु भएको नभई हत्या गरिएको र उक्त हत्या अरू कोहीबाट नभई आफूबाट भएको जिल्ला प्रहरी कार्यालयमा चौधरीले बयान दिएका छन् ।
आफूले प्रहार गरेको इट्टा लागेर छोराको मृत्यु भएको भन्दै घटना लगत्तै उनी आत्मसमर्पण गर्न जिल्ला प्रहरी कार्यालय कैलाली पुगेका थिए । उनले प्रहरीलाई घटनाबारे विस्तृत रूपमा जानकारी दिए। महेश कुमारका अनुसार उनका छोरा मृतक अर्जुन लागू पदार्थ दुर्व्यसनीको अन्तिम चरणमा पुगेको थियो ।
शनिवार सामान्य विवाद पनि अर्जुनले नजिकैको मन्दिरमा रहेको मूर्तिमा क्षति पुराइरहेका थिए । मूर्ति तोडफोड गर्न लागेपछि बुवाले थप सम्झाउन गएको र त्यसपछि विवाद बढेको प्रहरीले जानकारी दिएको छ ।
महेशकुमारले आफ्नो छोरालाई इट्टाले हान्नुभन्दा पहिले अर्जुनले पनि आफ्नो बुवालाई त्रिसुल र इट्टाले प्रहार गरेका थिए। छोराको प्रहारबाट सामान्य घाइते भएका बुवाले इट्टा प्रहार गर्दा छोराको मृत्यु भएको प्रहरीले जनाएको छ ।
लागूपदार्थका कारण यस अघि पनि घरमा झै झगडा हुने गरेका चन्दको भनाइ छ । आफ्नो छोराको हत्या गरेर आफै आत्मसमर्पण गर्न आएका महेश कुमारमाथि आज म्याद थप हुने छ । उनी विरुद्ध कर्तव्य ज्यानमा मुद्दा गर्दा गरिएको प्रहरी प्रवक्ता चन्दले जानकारी दिए।
