इलाम – नेकपा एमाले अध्यक्ष केपी शर्मा ओलीले पछिल्लो समय पार्टी प्रवेशको लहर जागेको बताउनु भएको छ ।
इलाममा आयोजित कार्यक्रममा बोल्दै अध्यक्ष ओलीले आफू जहाँ गयो त्यहींका जनप्रतिनिधि एमालेमा प्रवेश गर्न लागेको बताउनु भयो ।
‘म जहाँ गयो त्यहींका मेयर, गाउँपालिका प्रमुख, एमालेमा प्रवेश गरिरहेका छन् । उहाँहरूको पार्टीले राम्रो गरेको भए किन एमाले प्रवेश गर्ने थिए ? अहिले पार्टी प्रवेशको लहर नै लागेको छ, ‘अध्यक्ष ओलीले भन्नुभयो ।
विभिन्न पार्टी परित्याग गरेर एमाले प्रवेश गर्नेहरू बुझेर नै आएको बताउनु भयो । तपाईहरू अरु पार्टी परित्याग गरेर आउनुभएको छ । तपाईहरू बुझेरे नै आउनुभएको छ । तपाईको चेतनालाई म सलाम भन्न चाहन्छु,’ ओलीले भन्नुभयो ।
अहिले एमाले जुन मजबुद हालतमा छ त्यो नेताहरूले नभएर कार्यकर्ताका कारण भएको बताउनु भयो ।
