काठमाडौं । अध्यागमन विभागले २८ कात्तिक (१५ नोभेम्बर)का दिन भाइटीकाबाहेक अन्य दिन अध्यागमन विभागको सेवा सुचारु रहने जनाएको छ ।
विभागका अनुसार तिहार बिदाका अन्य दिनमा भने विभागको पर्यटक भिसा शाखा र एजेन्सी शाखा खुला रहनेछ ।
सार्वजनिक बिदामा भाइटीकाको दिन बाहेक अन्य दिन बिहान ११ बजेदेखि १ बजेसम्म सेवा सुचारु रहने विभागले जानकारी गराएको छ ।
अहिले पर्यटक आगमन बढी हुने मौसम हो । पदयात्रा र पर्वतारोहणका लागि यस मौसममा बढी पर्यटक आउने गर्छन् ।
