काठमाडौँ–नेपाली सेनाले विभिन्न रिक्त पदपूर्तिका लागि दरखास्त आह्वान गरेको छ । सेनाको भर्ना छनोट निर्देशनालय, जंगी अड्डाले सैन्य तथा विभिन्न ट्रेडका फलोअर्स पदहरूका लागि ठूलो संख्यामा दरखास्त आवेदन माग गरेको हो ।
खुला तथा समावेशी प्रतियोगिताद्वारा पदपूर्तिका लागि योग्यता पुगेका नेपाली नागरिकले सैन्य पदमा सेनाको आधिकारिक वैबसाइटबाट अनलाइन दरखास्त दिन सक्नेछन् ।
यस्तै ट्रेडका फलोअर्स पदहरूमा उम्मेदवार स्वयं भर्ना केन्द्रमा उपस्थित भई दरखास्त फाराम पेस गर्नुपर्ने सेनाले जनाएको छ । दरखास्त आजदेखि पुस ७ गतेसम्म दिन पाइने सेनाको सूचनामा भनिएको छ । दोब्बर दस्तुर तिरेर थप एक हप्ता आवेदन दिन सकिने जंगी अड्डाले जनाएको छ ।
