काठमाडौं । बर्दियाको गुलरियामा आगलागी हुँदा चार जनाको मृत्यु भएको छ । गएराति नगरपालिकाको वडा नम्बर ४ स्थित तुलापुर केराबारी भन्ने ठाउँमा एउटा घरमा आगलागी हुँदा चार जनाको ज्यान गएको प्रहरीले जनाएको छ ।
मृत्यु हुनेमा १८ महिनाका कार्तिक चन्द, ७ वर्षका कृष चन्द, १० वर्षका मानसिं बुढा र ३२ वर्षकी राधा बुढा छन् । २८ वर्षकी करिष्मा चन्दलाई भने उपचारका लागि अस्पताल लगिएको छ । राति साढे १० बजेतिर आगलागी भएको थियो । घटनाको थप अनुसन्धान भईरहेको प्रहरीले जनाएको छ ।
