रुखबाट खसेर १९ वर्षीया किशोरीको मृत्यु

कैलाली । कैलालीमा रुखबाट खसेर एक किशोरीको मृत्यु भएको छ । घोडाघोडी नगरपालिका– ८, सुखडकी १९ वर्षीया राधा थापाको रुखबाट खसेर मृत्यु भएको हो ।

घोडाघोडी नगरपालिका– ८ मा मंगलबार दिउँसो ३ बजेतिर घाँस काट्ने क्रममा रुखबाट खसेर उनको मृत्यु भएको प्रहरीले जनाएको छ ।

रुखबाट खसेर अचेत भएकी राधाको उपचारका लागि अस्पताल लैजाँदै गर्दा बाटोमै मृत्यु भएको हो ।