काठमाडौं । पुर्वमन्त्री एवं सांसद डिम्पल झाको निधन भएको छ । दुईबर्षदेखि क्यान्सर रोगसँग पीडीत झाको आज विहान साढे चारबजे निधन भएको श्रीमान एवं पुर्वमन्त्री अनिल कुमार झाले सूचनाप्रेसलाई बताउनुभयो ।
उहाँको काठमाडौंको रानीवारीस्थित घरमा निधन भएको बताईएको छ । डा. डिम्पल चारबर्ष दोस्रो संविधानसभाको सदस्य, हाल प्रदेश सभा सदस्य र तीनबर्ष मधेश प्रदेशको भौतिक पुर्वाधार राज्यमन्त्री हुनुभएको थियो । ४२ वर्षिय झा को पार्थिव शरीरलाई रौतहटको मसहरीमा अन्तिम श्रद्धान्जलीका लागि लगिने अनिल झाले बताउनुभयो । उहाँका एक छोरा हुनुहुन्छ ।
