काठमाडौँ – स्थानीय वायुसँगै पश्चिमी वायुको सामान्य प्रभावले देशका केही स्थानको मौसममा सामान्य देखि आंशिक बदली भएको छ।
हाल देशको पहाडी भू-भागमा आंशिक बदली र बाँकी भू-भागमा मौसम सामान्यतया सफा रहेको मौसम पूर्वानुमान महाशाखाले जनाएको छ ।आज दिनभर प्रदेश १ को पहाडी भू-भागका एक-दुई स्थानमा मेघ गर्जन र चट्याङसहित क्षणिक र हल्का वर्षाको सम्भावना रहेको महाशाखाको आँकलन छ।
भोलि सोमवार प्रदेश १ का पहाडी भू-भागका एक-दुई स्थानमा मेघ गर्जन र चट्याङसहित क्षणिक र हल्का वर्षाको सम्भावना रहेको छ।
मंगलबार बागमती, गण्डकी, लुम्बिनी, र कर्णाली प्रदेशका पहाडी भू-भागका एक-दुई स्थानमा मेघ गर्जनरचट्याङसहित क्षणिक र हल्का वर्षाको सम्भावना रहेको छ।
