१ मंसिर २०८३, मंगलबार Wednesday, 18 November 2026
हामीलाई पछ्याउनुहोस्
१ मंसिर २०८३, मंगलबार 3:27 am
Banner

रौतहट प्रहरीद्वारा १ महिनामा ३२ लाख बढीको सामानसहित ३ तस्कर पक्राउ

सूचना प्रेस २०८१ आश्विन २ बुधबार ००:००, १०:०९ बजे १ मिनेट पढाइ

रौतहट । रौतहट स्थित प्रहरीको छुट्टाछुट्टै गस्ती टोलीले १ महिनाको अवधिमा ३२ लाख रुपैयाँ भन्दा बढीको विभिन्न किसिमका अवैध सामानसहित ३ जना तस्कर लाई पक्राउ गरेको छ। जिल्ला प्रहरी कार्यालय गौरसहित मातहतका विभिन्न युनिटबाट खटिएको गस्ती टोलीले गत साउन ३० गते देखि भदौ ३१ गतेसम्म उक्त सामानसहित तस्करलाई पक्राउ गरेको हो।

विभिन्न नाकाबाट तस्करहरूले भन्सार छली अवैध रूपमा भित्र्याएको ४ लाख ६३ हजार, १४६ बराबरको लत्ताकपडा, ४ लाख २५ हजार ८४६ बराबरको किराना तथा खाद्यान्न, १९ लाख ८६ हजार ४२३ बराबरको तस्करीमा प्रयोग भएको सवारी साधन र ३ जना तस्करलाई नियन्त्रणमा लिएको जिल्ला प्रहरी प्रवक्ता डीएसपी एलिजा गिरीले बताएकी छिन्। बरामद सामान, सवारी साधनसँगै पक्राउ परेका ३ जना तस्करलाई आवश्यक कारबाहीको लागि मंगलवार साँझ जिल्ला भन्सार कार्यालय गौरमा बुझाइएको जिल्ला प्रहरी कार्यालय रौतहटद्वारा जारी सूचनामा उल्लेख गरिएको छ।