कैलाली । मालिकार्जुन धाममा लागिरहेको जात्राबाट फर्केर गोकुलेश्वरतर्फ गइरहेको बोलेरो जीप दुर्घटना हुँदा ६ जनाको मृत्यु भएको छ। म १ ज ३३८ नम्बरको बोलेरो जीप ग्वानीको बजानी नजिक सिराडको खोलामा दुर्घटना हुँदा ६ जनाको मृत्यु भएको प्रहरीले जानकारी दिएको हो।
थप ७ जना घाइते रहेको सुदूरपश्चिम प्रदेश ट्राफिक प्रहरी कार्यालय अत्तरियाका प्रमुख प्रहरी उपरीक्षक राजीव बस्नेतले जानकारी दिए । मृतकहरूको सनाखत हुन बाकी रहेको उनले बताए ।
जीपमा कतिजना सवार थिए ? कति को मृत्यु भयो ? , कति घाइते छन् भन्ने एकिन भने हुन सकेको छैन । गाडी सडकभन्दा निकै तल खसेको छ । रातिको समय भएकोले उद्धार कार्यमा कठिनाइ भएको हो । थप रिपोर्ट आउन बाँकी छ ।
