दाङ–रोल्पा स्थित रुन्टिगढी गाउँपालिका वडा नं. ४ को वडा अध्यक्षमा नेपाली काँग्रेसका उम्मेदवार निर्वाचित हुनुभएको छ ।
उपनिर्वाचनमा काँग्रेस उम्मेदवार भूपमणि पुन १०८ मतान्तरले विजय हुनुभएको हो । भूपमणिले ६४३ मत प्राप्त गर्नुभएको छ ।
एमालेका बेगम पुन मगरले ५३५, नेकपा माओवादी केन्द्रबाट नरेशजंग सिंहले ७०, राष्ट्रिय प्रजातन्त्र पार्टी(राप्रपा)का पहलबहादुर वलीले ७, राष्ट्रिय स्वतन्त्र पार्टी(रास्वपा)बाट हिमबहादुर पुनले १० र मङ्गोल नेसनल अर्गनाइजेसनबाट पूर्णबहादुर बुढा मगरले ७ मत प्राप्त गर्नुभएको छ।
यो वडामा यसअघि काँग्रेसका टङ्कबहादुर पुन निर्वाचित हुनुभएको थियो । उहाँको मृत्यु भएका कारण उपनिर्वाचन भएको हो ।
जम्मा एक हजार ९ सय मत मध्य एक हजार दुई सय ९७ खसेकोमा २१ मत बदर भएको थियो ।
