काठमाडौँ । साताको अन्तिम कारोबार दिन, बिहीबार सेयर बजार परिसूचक (नेप्से) ३१.४३ अंकले घटेको छ । २६२६ बिन्दुबाट सुरु भएको बजार लगातार ओरालो लाग्दै २५९६ बिन्दुमा झरेको हो ।
समग्रमा बजार घटे पनि बिहीबार २९ कम्पनीको सेयर मूल्य बढ्यो । सपोर्ट माइक्रोफाइनान्स सेयर मूल्यमा सकारात्मक सर्किट लाग्यो । त्यसैगरी सामुदायिक लघुवित्तको सेयर मूल्य ८ प्रतिशतले बढेको छ ।
बिहीबार २११ कम्पनीको मूल्य घट्यो । नारायणी विकास बैंकको मूल्य ९.२१ प्रतिशतले घटेको छ । कारोबार रकमका हिसाबले बिहीबार जानकी फाइनान्स शीर्षमा रह्यो । यसको १७ करोड ६० लाख रुपैयाँको कारोबार भएको छ । बिहीबार समग्र बजारमा ४ अर्ब ७६ करोड २ लाखको कारोबार भयो ।
