काठमाडौं । नेता भीम रावलले नयाँ पार्टी खोल्ने तयारी थालेका छन् । नेकपा एमालेबाट निष्कासित नेता रावलले नयाँ पार्टी खोल्ने भएका हुन् ।
स्रोतका अनुसार केही दिनभित्रै रावलले पत्रकार सम्मेलन गरेर यसबारे जानकारी दिने छन् । उक्त पत्रकार सम्मेलनमा एमाले अध्यक्ष केपी ओलीले गरेको निर्णयबारे आफ्नो कुरा राख्ने छन् ।
पूर्व पार्टी उपाध्यक्षसमेत रहेका रावललाई बुधबार एमालेको सचिवालय बैठकले संगठित सदस्यसमेतबाट हटाउने निर्णय गरेको थियो । दशौं महाधिवेशनयता लगातार पार्टी निर्णयविपरीत गतिविधि गरेको आरोप लगाएर एमालेले एमालेले रावललाई निस्कासन गरेको हो ।
