काठमाडौँ । प्रहरीको इन्स्पेक्टर हुँ भनेर ठगेको आरोपमा काठमाडौँको कागेश्वरी मनोहरा नगरपालिका–७ स्थित थापाचोकबाट एकजना पक्राउ परेका छन् । थापाचोक घर भएका ३८ वर्षीय सुदीप थापालाई पक्राउ गरिएको उपत्यका अपराध अनुसन्धान कार्यालयका एसपी काजी कुमार आचार्यले बताए ।
आरोपीले इन्स्पेक्टरको युनिफर्म लगाएको फोटो देखाएर प्रलोभनमा पारेर ठग्ने गरेको आरोप छ । उनले क्यानडा र अष्ट्रेलिया पठाउँछु भनेर ठग्ने गरेको एसपी आचार्यले जानकारी दिए । उनलाई प्रहरीको नक्कली परिचयपत्र र विशेष बढुवा सिफारिस सूचीको कागजात तयार गरिदिने प्रेस सञ्चालकलाई पनि प्रहरीले पक्राउ गरेको छ । कोटेश्वरस्थित मार्शल प्रिन्टिङ प्रेसका सञ्चालक किशोर कुमार चौधरीलाई पनि पक्राउ गरिएको एसपी आचार्यले बताए ।
