काठमाडौं, २२ बैशाख । नागरिक उन्मुक्ति पार्टीले पार्टीका संरक्षक रेशम चौधरी पक्राउबारे प्रधानमन्त्री केपी शर्मा ओलीको जवाफ माग गरेको छ ।
आजको प्रतिनिधिसभा बैठकमा सांसद लालवीर चौधरीले भोलिसम्ममा प्रधानमन्त्रीले जवाफ दिनुपर्ने माग गरेका हुन् । उनले प्रधानमन्त्रीको जवाफ नआए सरकार छाड्ने चेतावनी पनि दिएका छन् ।
‘यसबारेमा अहिलेसम्म सरकारको धारणा आएको छैन। त्यसैले भोलिकै दिनमा प्रधानमन्त्री वा गृहमन्त्रीले जवाफ दिनुभएन भने हामी सरकार छाड्न बाध्य हुन्छौं,’ उनले भने।
