काठमाडौँ । संवैधानिक राजसंस्था र सनातन हिन्दु अधिराज्यसहित बहुदलीय प्रजातन्त्र पुनर्स्थापनाका लागि संयुक्त जनआन्दोलन समितिको आयोजनामा काठमाडौँमा जारी प्रदर्शनमा आज सांस्कृतिक प्रस्तुतिहरू पनि रहने भएको छ ।
समितिले आज एक विज्ञप्ति जारी गर्दै शनिबार बिदाको दिन सहभागीहरूको सुझाव समेत मध्यनजर गरेर आज ख्यातिप्राप्त कलाकारहरूले गीत सङ्गीतको कार्यक्रम प्रस्तुत हुने बताएको हो ।
जनताको निस्वार्थ साथ, सहयोगले शान्तिपूर्ण जनआन्दोलन पूर्ण सफलताका साथ जारी रहेको समितिको दाबी छ । जारी प्रदर्शन अन्तर्गत आज दिउसो १ बजे शान्ति बाटिकामा कार्यक्रम हुने भएको छ ।
