काठमाडौं । तेह्रथुमको म्याङलुङ नगरपालिकाको मेयर र उपमेयर दुवै पदमा नेकपा एमाले विजयी भएको छ ।
मेयर पदमा एमालेका सञ्जयकुमार तुम्बाहाङ्फे ५ हजार ११७ मत सहित निर्वाचित भएका छन् ।
सोमवार बिहान सार्वजनिक परिणाममा नेपाली कांग्रेसका उम्मेदवार अर्जुनबहादुर तुम्बाहाङ्फेलाई उनले पराजित गरेका हुन् ।
कांग्रेसका तुम्बाहाङ्फेले ४ हजार ४७८ मतमात्रै पाएका छन् । उपमेयरमा एमालेकै जमुनादेवी सुवेदी ५ हजार २१० मतसहित निर्वाचित भएकी छन् ।
उनका प्रतिद्वन्द्वी कांग्रेसकी पार्वती सानु डाँगीले ४ हजार ४१४ मत पाएकी छन् ।
