बेइजिङ। चीनले आज राजधानी बेइजिङमा दोस्रो विश्वयुद्ध अन्त्यको ८० वर्षको अवसरमा एक विशाल सैन्य परेडको आयोजना गर्दैछ। उत्त कार्यक्रममा प्रधानमन्त्री ओलीपनि सहभागि हुनुहुनेछ । देशको इतिहासकै सबैभन्दा ठुलो यस परेडमा चिनियाँ राष्ट्रपति सी जिनपिङले विश्वका नेताहरू, जसमा रुसी राष्ट्रपति भ्लादिमिर पुटिन र उत्तर कोरियाली नेता किम जोङ उन पनि समावेश छन्। यस कार्यक्रममा चीनले आफ्नो सैन्य शक्ति र भविष्यको दृष्टिकोण प्रस्तुत गर्दैछ।
चीनको सरकारी समाचार एजेन्सी सिन्ह्वाका अनुसार, यो कार्यक्रम स्थानीय समयअनुसार बुधवार बिहान ९ बजे अर्थात नेपाली समय ६ बजेर ४५ मिनेटबाट सुरु हुनेछ। चीनले यस्तो विजय दिवसको अवसरमा सैन्य परेडको आयोजना गरेको यो दोस्रो पटक हो। यसअघि, १० वर्ष पहिले सन् २०१५ मा पहिलो पटक भव्य परेडको आयोजना गरिएको थियो।
यस परेडमा चीनको सैन्य शक्तिको भव्य प्रदर्शन हुनेछ, जसमा उन्नत सैन्य उपकरणहरू जस्तै ड्रोन, हाइपरसोनिक मिसाइल, र फाइटर जेटहरू प्रदर्शनमा राखिनेछन्। चिनियाँ सैन्य अधिकारीहरूका अनुसार, यस परेडमा जनमुक्ति सेना सयौँ विमानहरू प्रदर्शन गरिनेछन्।
सरकारी मिडियाका अनुसार, परेडमा ८० बिगुलरहरू उपस्थित हुनेछन्, जसले दोस्रो विश्वयुद्धमा साम्राज्यवादी जापानको पराजय भएको ८० वर्षको सङ्केत गर्नेछ। यसका अतिरिक्त, १ हजार भन्दा बढी सङ्गीतकार १४ लहरमा उपस्थित हुनेछन्, जसले सन् सन् १९३१ मा जापानको मन्चुरिया आक्रमणपछि चीनको प्रतिरोधको प्रत्येक वर्षलाई प्रतिनिधित्व गर्नेछ।
सीसीटीभीका अनुसार, तियानमेन स्क्वायरमा उपस्थित दर्शकहरूलाई हरियो, रातो र सुनौलो रङका कुर्सीहरूमा बसाइएको छ, जसले क्रमशः उर्वर भूमि, जनताको बलिदान र शान्तिको प्रतीक गर्दछ।
‘विजय दिवस’ परेडमा ४५ सैनिक टुकडी सहभागी हुनेछन् र यो करिब ७० मिनेटसम्म चल्नेछ, जहाँ उनीहरू बेइजिङको तियानमेन स्क्वायरमा सीको अगाडि मार्च पास गर्नेछन्। यस अवसरमा सीले सम्बोधन गर्ने पनि अपेक्षा गरिएको छ।
