बुटवल । कपिलवस्तुको शुद्धोधन गाउँपालिकाको लवनीस्थित पोखरीमा डुबेर एक बालकको मृत्यु भएको छ । शुद्धोदन गाउँपालिका–३ लवनीका ९ वर्षीय बालक दुर्गेश कलवारको डुबेर मृत्यु भएको हो । उनको शव फेला परेको जिल्ला प्रहरी कार्यालय कपिलवस्तुले जनाएको छ ।
जिल्ला प्रहरी कार्यालय कपिलवस्तुका डीएसपी रिपेन्द्रकुमार सिंहले बालकको शव पोखरीमा फेला परेको बताए । उनले शवलाई पोस्टमार्टमका लागि कपिलवस्तु जिल्ला अस्पताल पठाएको छ ।
स्थानीय अशोक कलवारका छोरा दुर्गेश सोही ठाउँको नेचुरल लाइफ चिल्डेन एकेडेमीको युकेजीमा अध्ययनरत थिए । उनी मङ्गलवार दिउँसोदेखि हराइरहेका थिए।
