काठमाडौँ । स्थानीय तह निर्वाचन अन्तरगत जारी मतगणनामा हालसम्म ७ सय २३ वटा पालिकाको अन्तिम परिणाम सार्वजनिक भएको छ ।
प्राप्त पछिल्लो विवरण अनुसार नेपाली काँग्रेसले ३ सय १८, नेकपा एमालेले १ सय ९६, नेकपा माओवादी केन्द्रले १ सय २०, जनता समाजवादी पार्टी २९, नेकपा एकीकृत समाजवादीले १७ र अन्यले ४२, स्थानमा प्रमुख वा अध्यक्ष पदमा विजय हासिल गरेको निर्वाचन आयोगले जनाएको छ ।
त्यसैगरी, उपाध्यक्ष तथा उपप्रमुखमा नेपाली काँग्रेसले २ सय ९१, नेकपा एमालेले २ सय १७, नेकपा माओवादी केन्द्रले १ सय २८, जनता समाजवादी पार्टी ३० र अन्यले ४८ स्थानमा विजयी हासिल गरेको निर्वाचन आयोगले जनाएको छ ।
त्यस्तै, वडा अध्यक्ष पदमा नेपाली काँग्रेस २ हजार ५ सय ७०, नेकपा एमाले २ हजार ६२, नेकपा माओवादी केन्द्र १ हजार ३४, जनता समाजवादी पार्टी २ सय ८० र अन्य ५ सय ६४ गरी ६ हजार ५ सय १० जना विजयी हुनुभएको आयोगले जनाएको छ ।
