१ मंसिर २०८३, मंगलबार Wednesday, 18 November 2026
हामीलाई पछ्याउनुहोस्
१ मंसिर २०८३, मंगलबार 2:49 am
Banner

मधेश प्रदेशकी समानुपातिक सांसद कञ्चन विच्छा पदमुक्त

सूचना प्रेस २०८२ मंसिर १९ शुक्रबार ००:००, १५:२७ बजे १ मिनेट पढाइ

जनकपुरधाम– मधेश प्रदेशकी महिला तर्फ समानुपातिक सांसद कञ्चन विच्छा पदमुक्त भएकी छन् । 

राष्ट्रिय प्रजातन्त्र पार्टीले उनलाई पार्टीको नीति विपरीत काम गरेको र अनुशासन तोडेको आरोप लगाउँदै ६ महिनाका लागि साधारण सदस्यबाट निष्कासन गरेको छ। 

त्यही आधारमा उनलाई प्रदेश सभा सदस्यको पदबाट फिर्ता लिन केन्द्रीय कार्यसम्पादन समितिले निर्णय गरेको पत्र प्रदेश सभा सचिवालयमा दर्ता भएको छ।

राजनीतिक दलसम्बन्धी ऐन २०७३ को दफा ३४ र प्रदेश सभा कार्यसंचालन नियमावली २०७५ का नियम १९० र १९१ अनुसार प्रदेश सभाले उनको सदस्यता खारेज गरिएको सूचना सार्वजनिक गरेको छ।

बिच्छा बुधबार राजीनामा दिएका मधेश प्रदेशका मुख्यमन्त्री सरोजकुमार यादव नेतृत्वको सरकारमा गएपछि राप्रपाले कारबाही थालेको थियो ।