काठमाडौँ । गृहमन्त्री सुधन गुरुङले नागरिकमैत्री, स्वच्छ, पारदर्शी र सेवामूलक प्रहरी सेवा प्रदान गर्न निर्देशन दिएका छन् । बुधबार जिल्ला प्रहरी परिसर काठमाडौँको स्थलगत निरीक्षण गर्दै मन्त्री गुरुङले सम्पूर्ण प्रहरी कर्मचारीहरूलाई नागरिकमैत्री, स्वच्छ, पारदर्शी र सेवामूलक सेवा प्रदान गर्न निर्देशन दिएका हुन् ।
साथै उनले प्रहरी सेवामा प्रविधिको प्रयोगको सन्दर्भमा सरकारले आवश्यक व्यवस्थापन गर्ने प्रतिबद्धता जनाएका परिसर प्रमुख एसएसपी रमेश थापाले जानकारी दिए । निरीक्षणका क्रममा गृहमन्त्री गुरुङले परिसरबाट भइरहेको काम कारबाही सेवा, प्रवाह र अपराध अनुसन्धानका विषयमा जानकारी लिनुभएको परिसर प्रमुख एसएसपी थापाले बताए ।
त्यस्तै एसएसपी थापाले काठमाडौँमा १३ सय भन्दा बढी सीसीटिभी रहेकोमा जेनजी आन्दोलनका क्रममा भएको तोडफोड पछि ९ सय ३७ वटा सीसीटिभी पुनः जडान भइसकेको जानकारी दिए ।
