३० कार्तिक २०८३, सोमबार Monday, 16 November 2026
हामीलाई पछ्याउनुहोस्
३० कार्तिक २०८३, सोमबार 9:34 am
Banner

बालेन र रविको एकता लामो समय टिक्दैन : पोखरेल

सूचना प्रेस २०८२ चैत्र २८ शनिबार ००:००, १५:३६ बजे १ मिनेट पढाइ

काठमाडौं : नेकपा (एमाले) का महासचिव शंकर पोखरेलले प्रधानमन्त्री बालेन शाह र राष्ट्रिय स्वतन्त्र पार्टीका सभापति रवि लामिछानेबिचको सहकार्य दिगो नहुने टिप्पणी गरेका छन्।

शनिबार पार्टी मुख्यालय च्यासलमा आयोजित कार्यक्रममा बोल्दै महासचिव पोखरेलले दुई नेताको मिलन विचारभन्दा पनि स्वार्थबाट प्रेरित भएको आरोप लगाए। उनले कुनै पनि राजनीतिक आन्दोलनमा विचार र भावनाको साटो स्वार्थले मात्र स्थान पाएमा त्यस्तो एकता लामो समय नटिक्ने दाबी गरे।

‘रवि लामिछाने र बालेन चुनावी स्वार्थका लागि मिलेका हुन्, उनीहरूको मन मिलेको छैन,’ पोखरेलले भने, ‘जब विचारले जोड्दैन, त्यो एकता टिक्न सक्दैन भन्ने कुरा हाम्रै पार्टी नेकपाको अनुभवले पनि पुष्टि गरिसकेको छ।’ महासचिव पोखरेलले सत्ता केन्द्रित राजनीतिले समाज परिवर्तन गर्न नसकिने तर्क गर्दै एमाले अबको पाँच वर्ष जनताकै बिचमा रहने सुनाए।