काठमाडौं । नेकपा (एमाले)का प्रमुख सचेतक ऐन महरले सरकार नेपाली जनताको हत्या गर्नेगरी अगाडि बढिरहेको बताएका छन् ।
आजको प्रतिनिधिसभा बैठकमा गणेश नेपालीको आत्मदाहले सरकारले ठूलो मूल्य चुकाउनुपर्ने उनले बताएका हुन् ।
“गणेश नेपालीहरूले गरेको आत्मदाहका कारणले यो सरकारले ठूलो मूल्य चुकाउनुपर्छ । हत्याको जिम्मेवार यो वालेन्द्र सरकार हो,” उनले भने ।
सरकार जनतालाई मार्ने गरी अघि बढेको आरोप लगाए । “सरकार जनतका पक्षमा, जनतालाई मुक्ति दिने गरी होइन, जनतालाई मार्ने गरी, जनताको हत्या गर्ने गरी अघि बढिरहेको छ । म यो सरकार मुर्दावाद भन्न चाहन्छु,” उनले भने ।
