डडेल्धुरा । प्रधानमन्त्री शेर बहादुर देउवाविरुद्ध प्रतिनिधि सभाको निर्वाचन लड्ने घोषणा गर्नुभएका सागर ढकालले उम्मेदवारी दर्ता गर्नुभएको छ ।
आइतबार मुख्य निर्वाचन अधिकृतको कार्यालयमा पुगेर उहाँले उम्मेदवारी दर्ता गराउनुभएको हो ।
मनोनयन दर्ता पश्चात् उहाँले डडेल्धुराका जनताले आफूलाई नातावाद नहेरेर देश र विकासका लागि जिताउने विश्वास व्यक्त गर्नुभयो ।
उहाँले दुई दिन भोकै व्रत बसेर देशका लागि संकल्प गर्ने पनि बताउनुभयो । उहाँ चुनावी माहोल बनाउन एक झण्डै दुई महिनाअघिदेखि नै डडेल्धुरामा हुनुहुन्छ ।
