काठमाडौं । विविध कन्सल्ट्यान्सका कार्यकारी निर्देशक लक्ष्मण घिमिरे ‘शैक्षिक उद्यमशीलता पुरस्कार २०२२’बाट सम्मानित हुनुभएको छ ।
कस्मिक इन्टरनेसनल एकेडेमीका अध्यक्ष समेत रहनुभएका घिमिरेलाई संयुक्त अरब अमिरातको दुबईमा आयोजित एक भव्य कार्यक्रममा उक्त पुरस्कार प्रदान गरिएको हो । शिक्षा क्षेत्रमा घिमिरेले खेलेको बहुपक्षिय भूमिकाको प्रभाबकारिताको मूल्याङ्कनका आधारमा उहाँलाई उक्त पुरस्कार दिइएको आयोजकले बताएको छ । कार्यक्रमका प्रमुख अतिथि दुबई बिजनेस काउन्सिलका अध्यक्ष डा. आशिक अली, विशेष अतिथि दुबई सरकारका प्रतिनिधि एवं दुबईका सुरक्षा प्रमुख महमद हुसेन र मधेश विश्वविद्यालयका उपकुलपति प्रा.डा. दीपक शाक्यले संयुक्त रुपमा अवार्ड वितरण तथा सम्मान गर्नुभएको थियो ।
कार्यक्रममा नेपाल भरका विभिन्न विद्यालय, क्याम्पस, तथा शैक्षिक प्रतिष्ठानहरुलाई ३४ विद्यामा र १६ जना व्यक्तिहरु सहित जम्मा ५० वटा अवार्डहरु वितरण गरिएको थियो । अंग्रेजी माध्यमबाट प्रकाशन हुने अंग्रेजी मासिक पत्रिका कलेज रिडर्सले उक्त पुरस्कार प्रदान गरेको हो ।
