काठमाडौं । घरेलु टोली नेपालले एकदिवसीय अन्तर्राष्ट्रिय क्रिकेटमा शुक्रवार यूएईसँग तेस्रो तथा अन्तिम प्रतिस्पर्धा गर्दैछ।
बिहान ९ बजे कीर्तिपुरस्थित त्रिवि क्रिकेट मैदानमा शुरू हुने खेलमा नेपालले यूएईसँग प्रतिस्पर्धा गर्न लागेको हो।
नेपाल र यूएईबीचको यो खेल श्रृंखलाको निर्णायक खेल हो। यसअघि भएका खेलमा नेपाल र यूएई १–१ को बराबरीमा छन्।
पहिलो खेलमा यूएई ले नेपाललाई ८४ रनले हराएको थियो। दोस्रो खेलमा नेपालले ३ विकेटको जित हात पारेको थियो।
दुवै टोली श्रृंखलामा २–१ को जित हात पार्ने दाउमा रहेका छन्।
