काठमाडौं । नेपाली कांग्रेसका सभापति एवं प्रधानमन्त्री शेरबहादुर देउवासँग पावर शेयरिङमा कुरा नमिलेपछि माओवादी अध्यक्ष पुष्पकमल दाहाल ‘प्रचण्ड’ बालकोटतर्फ लाग्नुभएको छ ।
नेकपा एमाले अध्यक्ष केपी शर्मा ओलीलाई भेट्न जानकारी दिएर अध्यक्ष प्रचण्ड बालकोटतर्फ लाग्नुभएको हो । केहीबेरमा दुईनेताबीच भेटघाट हुने तय भएको छ।
माओवादीले आलोपालोपालोमा पहिलो चरणको प्रधानमन्त्री दाबी गर्दै आएको थियो । कांग्रेसले प्रधानमन्त्री र राष्ट्रपति दुवै दिन नसकिने बताएपछि सत्तागठबन्धन भत्किने दिशामा अघि बढेको छ ।
राष्ट्रपति विद्यादेवी भण्डारीले सरकार बनाउन दिएको समयसीमा आज साँझ ५ बजे सकिँदैछ। यो अवधिभित्र संविधानको धारा ७६ (२) अनुसार दुईभन्दा बढी दलले सरकार बनाउन बहुमत पेश गर्नुपर्नेछ।
