काठमाडौं । ग्लोबल आइएमई बैंकले ह्याप्पी आवर्स योजना सार्वजनिक गरेको छ ।
योजनाअनुसार बैंकका ग्राहकले ग्लोबल स्मार्ट प्लसबाट अनलाइन भुक्तानी गर्दा खरिदको २० प्रतिशतसम्म क्यासब्याक पाउने बैंकले जनाएको छ । योजना यही चैत १९ देखि २०८० वैशाख १६ गतेसम्म कायम रहने जनाइएको छ ।
ग्राहकले दिनको पहिलो भुक्तानी तथा कारोबार प्रतिदिन एक कारोबारको मात्र क्यासब्याक प्राप्त गर्न बैंकले बताएको छ ।
ग्लोबल आइएमई बैंक मुलुकका ७७ जिल्लामा शाखा सञ्जाल रहेको निजी क्षेत्रको पहिलो वाणिज्य बैंक हो । मुलुकको लगभग सबै वित्तीय सूचकाङ्कहरुमा पहिलो बैंकले ३६४ शाखा कार्यालय, ३६३ एटिएम, ३२१ शाखा रहित बैंकिङ्ग सेवा, ६४ एक्सटेन्सन तथा राजश्व संकलन काउन्टर तथा ३ वटा बैदेशिक प्रतिनिधि कार्यालयसमेत गरी १,१०० भन्दा बढि सेवा केन्द्रबाट ४० लाख भन्दा बढि ग्राहकहरू माझ सेवा प्रदान गरिरहेको छ ।
