काठमाडौं । प्रधानमन्त्री पुष्पकमल दाहाल ‘प्रचण्ड’ले भ्रष्टाचार न्यूनीकरणमा सरकारको मुटु नहल्लिएको बताएका छन् ।
वार्षिक नीति तथा कार्यक्रममाथि सांसदहरूले उठाएका प्रश्नहरूको शनिबार प्रतिनिधिसभा बैठकमा जवाफ दिँदै उनले शंका गर्नुभन्दा सरकारको संकल्पको पक्षमा उभिन आग्रह गरे । उनले राष्ट्रिय स्वतन्त्र पार्टी (रास्वपा)का सभापति रवि लामिछानेतर्फ लक्षित गर्दै यस्तो बताएका हुन् ।
यही जेठ १० गतेको संसद् बैठकमा लामिछानेले प्रधानमन्त्रीको मुटु हल्लिएको हो कि होइन भन्दै प्रश्न गरेका थिए । उनले मुटु जाँच गराउन भन्दै प्रधानमन्त्रीलाई कटाक्ष गरेका थिए ।
“एकजना माननीयले प्रधानमन्त्रीको मुटु हल्लिएको भन्नुभयो,” प्रधानमन्त्री प्रचण्डले भने, “विल्कुल आशंका नगर्न र सरकारले गरेको संकल्पमा दृढतापूर्वक उभिन आग्रह गर्दछु ।”
