काठमाडौं । सुन तस्करी छानबिनका लागि उच्चस्तरीय समितिको प्रारम्भिक मस्यौदा पनि तयार भएको छ ।
तीन दलका शीर्षस्थ नेताहरु सम्मिलित कार्यदलले उच्चस्तरीय छानबिन समितिको मस्यौदा तयार पारेको हो ।
सो समितिमा एमाले उपाध्यक्ष सुवाषचन्द्र नेम्वाङ, कांग्रेस प्रमुख सचेतक रमेश लेखक र माओवादी केन्द्रका प्रमुख सचेतक हीतराज पाण्डे सहभागी छन् । उक्त मस्यौदा केहीबेरमा बस्ने सर्वदलीय बैठकमा पेस हुने र बैठकले अन्तिम रुप दिने बताइएको छ ।
प्रमुख प्रतिपक्षी दल नेकपा एमालेले सुन तस्करी छानबिनका लागि उच्चस्तरीय समिति गठन गर्नुपर्ने माग राख्दै गत साउन १० गतेदेखि संसद बैठक अवरुद्ध पार्दै आएको छ ।
