काठमाडौं । नेपाली कांग्रेसका नेता शेखर कोइराला पक्षको बैठक सकिएको छ ।
कोइरालाको सम्पर्क कार्यालय बालुवाटारमा मंगलबार बसेको बैठक सकिएको हो । बैठक केन्द्रीय समिति बैठकमा उठाउने अजेन्डा कोशी प्रदेशको विषय भएको थियो ।
नेता सञ्जय गौतमले असोज ४ गते केन्द्रीय कार्यसमिति बैठकमा कसरी प्रस्तुत हुने र कुन कुन विषय उठाउने भन्ने विषयमा बैठक केन्द्रित भएको बताए ।
पार्टीको केन्द्रीय कमिटी बैठकअघि नेता डा. शेखर कोइरालाले डाकेको बैठकलाई निकै महत्वका साथ हेरिएको छ । सो बैठकमा यसअघि इतर समूहमा नभएका युवा नेताद्वय शर्मा र पौडेललाई पनि बोलाइएको थियो । तर, उनीहरु अनुस्पस्थिति भए ।
बैठकमा महामन्त्री गगन थापा, सहमहामन्त्री बद्री पाण्डे, केन्द्रीय कार्यसमिति सदस्य डा मिनेन्द्र रिजाल, चन्द्र भण्डारी, दिलेन्द्रप्रसाद बडूलगायतका नेताहरू सहभागी थिए। कांग्रेस केन्द्रीय कार्यसमिति बैठक असोज ४ गते बस्दैछ।
