कांग्रेस पनि आजित भइसकेको छ, यो सरकार ८४ सम्म टिक्दैन : अध्यक्ष ओली

भोजपुर । नेकपा एमालेका अध्यक्ष एवम् पूर्वप्रधानमन्त्री केपी शर्मा ओलीले अहिलेको सरकार ८४ सम्म नटिक्ने दाबी गरेका छन् । बिहीबार भोजपुरको पौवादुङमा गाउँपालिकामा आयोजित कार्यक्रमलाई सम्बोधन गर्दै ओलीले सरकारका कारण जनताले दुख पाएको बताए ।

सरकारको कामबाट सत्तारुढ नेपाली कांग्रेस पनि आजित भइसकेको ओलीको भनाइ छ ।

सरकार कुहिएको फल जस्तो भएको ओलीले बताए । उनले भने,‘सरकारको काम गतिलो छैन । जनताले दुख पाइरहेका छन्। कांग्रेस पनि आजित भइसकेको छ । सरकार कुहिएको फल जस्तो भएको छ।’

अहिले जनतालाई भेदभाव र पक्षपात नगर्ने सरकारको आवश्यकता रहेको उनले बताए । एमाले सरकारमा हुँदा असाधारण विकास भएको उनको दाबी छ ।