काठमाडौं । भैरहवास्थित गौतमबुद्ध अन्तर्राष्ट्रिय विमानस्थलमा कुबेतको जजिरा एयरवेजको विमान अवतरण भएको छ । विमानस्थलको औपचारिक उद्घाटनको क्रममा कुबेतबाट आएको जजिरा एयरबेजको विमान अवतरण गरेको छ ।
जजिरा अगाडि काठमाडौंबाट गएको नेपाल एयरलाइन्सको जहाज अवतरण भएको थियो । जजिराले बुद्ध जयन्तीको अवसर पारेर गौतमबुद्धमा पहिलो अन्तर्राष्ट्रिय उडान गरेको हो भने नेपाल एयरलाइन्सले काठमाडौंबाट व्यवसायिक उडान सुरु गरेको हो ।
गौतम बुद्ध अन्तर्राष्ट्रिय विमानस्थलबाट अन्तर्राष्ट्रिय व्यवसायिक उडान भने जेठ २९ गतेमात्र हुनेछ ।
